24 Tetor 2026

Situata në Bulevard është tensionuar, ku policia ka përdorur gaz lotsjellës dhe tre autobotë me ujë për të shpërndarë protestuesit.

Gjatë përplasjes janë dëgjuar edhe të shtëna me plumba gome, ndërsa protestuesit dyshohet se kanë përdorur molotovë kundër forcave të Ndërhyrjes së Shpejtë.

Pas ndërhyrjes së policisë, protestuesit janë shpërndarë në disa pika të ndryshme. Një pjesë e madhe e tyre është tërhequr drejt ish-Parkut Rinia, ndërsa të tjerë janë vendosur në anën tjetër të lumit Lana.

Situata mbetet e tensionuar, ndërsa zhvillimet në terren vijojnë.